而家先得閒忍唔住講返
當日有啲人喺年輕人喺前面奮戰時係咁出post講咩走啦、唔好送死、放棄啦etc
真係好搞笑，佢哋實係得閒睇FB然後被勸退啦，講呢啲完全唔知搏乜，真係咁心痛嘅你唔出嚟幫佢哋擋彈？
仲要講埋晒啲咩留得青山在哪怕沒柴燒，你哋同上幾代人留咗啲青山喺度咁耐，燒咗啲乜嘢呀？
而家唔係班小朋友傻豬豬唔知代價有幾高，而係因為你哋咁耐以嚟都冇試過搵命搏，搞到佢哋冇晒退路唯有搵命搏呀！而且佢哋心裡明白，呢刻唔搏，之後被秋後算帳起嚟隨時慘過死，唔會仲有十年八年畀你重新部署東山再起
況且連受重傷、坐緊監、流亡緊嘅人都冇話要放棄，你憑咩喺度叫人放棄？你自私係你嘅事，唔係人人都想好似你咁
當然我都唔贊成有勇無謀咁亂衝硬碰(如夜晚+人太少冇backup時可能要先撤，伺機再返)，所以一定要準備好足夠防護同諗戰略，每人喺自己崗位上全力以赴，我哋一定要贏
失敗主義仲要自以為智者嘅人唔該死開
Search